Baba Ji Question Answer Session

Q1.)-Baba ji, 15-16 saal ki aayu mein naamdan kyo nahi milta?
.
Babaji.-Is umar mein bache ma- baap ke pichhe lag kar sab kaam karte hai .Naamdan ki umar 26 saal is liye rakhi gayi hai , kyonki is umar mein aap apne liye sahi galat ka faisla kar sakte hain.
.
Q.2)-Baba ji mein bhajan simran karti hoon. Maine naamdan baba ji se liya hai. Kya aap mujhe meri maut ke waqt lekar jaaoge?..
.
Babaji.-(Saari sangat has padi)
“Beta kisi ke upar hasna nahi. Hasna to apne upar pe sakta hai. Fark sirf yeh hai ki yeh sawaal to sab ke mann mein hai ,lekin himmat sirf inhone ki yeh baat puchane ki. Is liye kisi par hasna nahi. Apka dayra bahut chhota hai. Guru shabad swaroop hai. AAP apne bhajan simran par dhyan do.
.
Q.3)-Baba ji mein bahut pareshan rehti hoon, jiske kaaran mujhse bhajan simran nahi hota. Baba ji daya karo?..
.
Babaji.-(Pyari si smile dete hue)Unki daya mehar par tala laga kar chabi to aapne apne paas rakhi hui hai, bhajan simran karo.
.
Q.4)-Baba ji , mere naamdan lene ke baad mujhse galti ho gayi mujhe maaf kar do?..
.
Babaji.-Asi bhulanhar han te Oh, bakshanhaar hai.
Uske ghar mein daya ki koi kammi nahi.
.
Q.5)-(A man)- Baba ji mujhse seedhe baithkar bhajan nahi hota?..
.
Baba ji.-Kya aap kursi par baith sakte ho?..
.
Man – Hanji,..
.
Baba ji.- Aap kursi par baith kar bhajan kiya karo, Angrej(foreign) logo se bhi to chokri nahi lagti Wo bhi kursi par baithkar karte hain..
.
Q.6)-(A girl)- Baba ji, Jinhe naamdan nahi mila kya unki chithhiyo ke jawaab nahi milte?..
.
Babaji.-Chithhiyan to bahut aati hain,Par koshish ye hoti hai ki un chithhiyon ka jawab diya jaay , jo ruhaniyat se related hoti hai.
.
Q.7)-(A lady)-Baba ji , daya mehar karo or mujhe confidential seat dedo?…
.
Baba ji.-(With smile) Kis baat ki confidential seat?
Lady – Baba ji ruhaniyat ki Baba ji.-(With Smile)- Jab naamdan mila tha tab kya aap waiting list mein the,aap ko ticket bhi mil chuki hai aeroplane ki , or aap aeroplane mein baith bhi chuki hain, jab se aap ko naamdan mila hai, or kis cheej ki kami hai?..
.
Q.8)-(A lady)-Baba ji aisi daya mehar karo ki mein ghar ja kar bhajan par baithu to baithi hi rahu?..
.
Baba ji.-Jis din unhone karwana shuru kar diya , to aapse bardasht nahi hoga, nahi karoge to bulldozer ke sath kheech kar le jaayge.Lady- Nahi aap mujhe bulldozer ke sath kheech kar mat le jana.
phir us bibi ne apne husband se sambandhit baat karni shuru ki to baba ji ne kaha ki kisi aur se sambandhit baat nahi karni.
.
Q.9)- lady again Aap hamesha khushi dete raho aur aate raho?..
.
Baba ji.-Khushi ko hajam karo, aage ki mat socho, Yahan par koi sawal jawab thode na kiye ja rahe hain, Ye to bas ek khel hai.
.
Q.10)-(A lady)- Baba ji mujhe bhajan simran karne ka waqt nahi milta?..
.
Baba ji.-Hamare paas duniyavi kaam ke liye waqt hai.Hum samajhte hai ki wo jante hain, isliye unki taraf dhyan nahi dete.Par sab kuch hume hi karna hai…
.
Q.11)-(A man)- Mujhse bhajan simran par baitha nahi jata?.
.
Baba ji.-Beta, takleef bhajan simran ke sath hi jayegi . Dhyan upar jayega aur apne aap hi sab kuch bhool jayege. Sab baith sakte hai , unhone dekha hai tabhi to namdan diya.
.
Q.12)-(A Girl)- Baba ji mere sasural wale satsangi nahi hain. Mujhe satsang ghar jhagad kar aana padta hai?…
.
Babaji.-Bache jhagad kar to bilkool nahi aana . Ek misaal bankar dikhao, Jaise agar ek din sooraj nahi nikla, aur barish aa gayi, to iska matlab ye nahi ki sooraj kabhi nahi niklega.
.
Q.13)-(A lady)- Na to khane ke liye hai, na sir par chhat hai, to bhajan kaise Kare?..
.
Babaji.-Har insaan mein itni taqat hai , ki wo apni roji roti kama sake, Koi bhi kaam chhota ya bada nahi hota. Bank bal. hone se koi fark nahi padta.
.
Lady again- Baba ji, mujhe sab taane dete hai ki tumhare bhagwan ne tumhe diya kya hai?..
.
Baba ji.-Unse pucho ki unke paas kya hai?
Koi dharm apnane se koi ameer-gareeb nahi ho jata. Apne karm tumhe apne aap hi bhugtne padege, koi aur nahi baant sakta.Ek ghar mein thodi achi sehat wale log bhi hote hai,aur kamjor sehat wale bhi.Dusaro ko dekhkar hume kabhi apne mann ko lalchane nahi dena chahiye.
Kabhi kisi ko koi cheez muft nahi deni chahiye Koi cheez muft dene ka matlab hai uski tabaahi karna.
.
Q.14)-(A man) Maine ek saal pehle namdan liya tha, mere pita ji coma mein hai, unki ichha hai ki vo ek baar beas mein jakar darshan Kare?..
.
Baba ji.-Aisa kehkar apne apne guru ko hi chhota kar diya, drishti se kuch nahi hota, Malik ko pata hai ki kya sahi hai o
aur kya galat. Unke hukam ka palan karo.
Apni ichhaon ko maro aur unke jitne bade bano. Satsang par kabhi ladkar mat aao.
Ghar par rehkar ache udaharan bano.
Mahol banao Koi agar tumse kuch galat kehta hai, to uss
se hath jodkar maafi mango or kaho ki mujhe maaf kar do, mere kaaran aapko apni juban gandi karni padi Dusare logo ke vicharon ki bhi kadar karo, tabhi tumhare vicharon ki kadar hogi.
.
Q.15)-(A lady)- Mujhe bhajan ke samay khayal aate hain?..
.
Baba ji.-Khayal to aayege, lekin aap simran par dhayan dijiye, Khaayi mein chhalang aap log lagate hain or mujhe kehte hain ki dhakka kyon diya…
.
Q.16)-(A man) Mujhe maharaj ji kehte hain ki baba ji se milo?..
.
Baba ji.-Unka kehne ka matlab hai ki bahar se nahi, ander se darshan karo,Shabad sawroopi guru se milo,.
And mein baba ji khade hue to saari sangat bhi khadi ho gayi. Baba ji ye dekh kar baith gaye or kaha ki mein to abhi gaya bhi nahi aur sabne chalna bhi shuru kar diya, Discipline ko maintain karo…
.
guru pyari sadh sangat ji radha soami ji. .