Home >> Beas Sakhi >> Baba Ji ke Nazdeek se Darshan – Ek Sakhi

Baba Ji ke Nazdeek se Darshan – Ek Sakhi

Bahut saal pehle ki baat hai, Bhandaare par Baba ji ke nazdeek se dershan karne ke liye log subah subah 2 (2 AM) baje hi pandal ( satsang shed) mein ja kar baith jaya karte the.

Ek Bhandaare par aise hi ek aadmi bhi subah subah pandal mein jaa kar baith gaya taki Baba ji ke bahut kareeb se darshan kr sake, use jagah bhi Baba ji ki stage ke ekdum samne mil gai, wo bahut hi jyada khush tha us din. Aur be-sabri se satsang shuru hone aur Baba ji k aane ka intzaar karne laga.

Subah jaldi baith Jane k karan satsang shuru hone tak kai hours lagataar baithna padta tha. Itne hours baithe rahne ke karan us aadmi ko satsang shuru hone se pehle bathroom jana pada aur wo pandal se bahar nikal gaya. Sevadaron ne unke hath per nishan bana ke unko bhej diya taki wapas aake apni wo aadmi apni jagah per baith sake.

Per badkismati se Toilets mein kafi bheed hone ke kaaran usko kafi der lag gayi aur jab wo aadmi laut k aaya to Baba ji stage pe virajmaan ho chuke the, isliye sevadaron ne unhe aage nahin jane diya aur pandal ke end me hi baithne ko kaha, us aadmi ne bahut minnat kari ki wo subah se baitha hai aur ab use aage hi Jane diya jaye per sevadaron ne unki koi baat nahin suni. Us aadmi ne bahut koshish ki aage Jane ki but uski baat kisi ne nahi suni aur unhe jabardasti pandal k aakhir me sabse peeche bitha diya gaya.

Wo bhai kafi pareshan hua aur Unko is baat se itna dukh laga ki wo pure satsang me rota hi raha…… Sevadaron ne bahut samjhaya per unke aansu ruk hi nahi rahe the…. Aur wo lagataar rote rahe.

Satsang ka ek shabad bhi unhone ache se nahi suna. Jab satsang khatam hua to log uth gaye lakin wo aadmi wahi baith ke Rota raha…. Baba ji ne sevadaron ko kah kar us aadmi ko apne pas bulaya aur uske dono kandhon pe hath rakh kar kaha…. Tujhe darshan karne the na, to le ab kar jitne bhi darshan karne hai.
Lakin aaj k baad pandal me itni subah aake nai baitha. Wo aadmi bahut Baba ji ke aage bhi bahut roya, Baba ji ne kaha bhi ki ab to darshan kar rahe ho, Ab kyun ro rahe ho, Wo kuch bol hi nahin paaya aur khushi se uski aankhon se aansu nikalte hi rahe.

Tabse pandal me itni jaldi sangat ko Jane ni diya jata aur Jo log early morning aakar aage baithte hain unhein Toilet jaane ke liye bhi Baba Ji ke aane se 30 mins pahle hi jaane ko kaha jaata hai.

Mere satguru sabke dil ka haal jante hai….. Bus hum hi hai jo unke liye tadapna ni jante ……. Radha soami ji

Connect with Us

Loading Facebook Comments ...

Leave a Reply

Your email address will not be published. Required fields are marked *

*